MEHARY EDUCATION MINISTRY-Theology for All!

Available Courses

• የሥነ መለኮት መግቢያና የክርስቲያን አስተምህሮ አሰሳ

  በዚህ ኮርስ ተማሪዎች የክርስትና እምነት አንኳር የሆኑትን አስተምህሮዎች ይዳስሳሉ።
• የኢትዮጵያ ቤተክርስቲያን ታሪክ

  በዚህ ትምህርት ተማሪዎች የክርስትና እምነት ወደ ኢትዮጵያ በእነማን መቼና እንዴት እንደተሰበከ ይማራሉ። የኢትዮጵያ ኦርቶዶክስ ተዋሕዶ ቤተክርስቲያንን ታሪክ፣ የኢትዮጵያ ካቶሊካዊት ቤተክርስቲያንንና የወንጌላዊያን አማኞች አብያተክርስቲያናትን (ፕሮቴስታንት) ጅማሬና ዕድገት እንዲሁም መከራ፣ ስደትና ጽናትን በመዳሰስ አሁን ያሉበትን ሁኔታ ያጠናሉ።
• የመጽሐፍ ቅዱስ አተረጓጎም

  በዚህ ኮርስ ተማሪዎች መጽሐፍ ቅዱስን መሠረታዊ የአተረጓጎምን ዘዴ በመጠቀም እንዴት እንደሚተረጉሙና በኑሮአቸውና በአገልግሎታቸው እንዴት ተግባራዊ ማድረግ እንደሚችሉ ይማራሉ።
• ከዘፍጥረት እስከ መጽሐፈ መሳፍንት ንባብና ትርጓሜ

  ይህ ኮርስ ከፍጥረት ጅማሬ እስከ ዘመነ መሳፍንት ድረስ ያሉትን አራት የሕግ መጻሕፍትን፣ የመጽሐፈ ኢያሱንና የመጽሐፈ መሳፍንትን ንባብና ትርጓሜ ያስተምራል።
  
• የታሪክ መጻሕፍት

  ይህ ትምህርት ከመጽሐፈ ሳሙኤል ቀዳማዊ እስከ መጽሐፈ አስቴር ድረስ ያሉትን መጻሕፍት ንባብና ትርጓሜ ያስተምራል።
• የቅኔ መጻሕፍት

  በዚህ ትምህርት ተማሪዎች የቅኔ መጻሕፍት በመባል የሚጠሩትን መጻሕፍት ንባብና ትርጓሜ ይማራሉ (እነሱም-መጽሐፈ ኢዮብ፣ መጽሐፈ ምሳሌ፣ መክብብ፣ መኃልዬ መኃልይና የመዝሙር መጻሕፍት ናቸው።)
• የትንቢት መጻሕፍት

  በዚህ ትምህርት ተማሪዎች የዐበይትና ደቂቀ ነቢያትን መጻሕፍት ንባብና ትርጓሜ ይማራሉ።
• ከማቴዎስ ወንጌል እስከ ሐዋርያት ሥራ

  በዚህ ትምህርት የማቴዎስ ሉቃስ ማርቆስና የዮሐንስ ወንጌል መጻሕፍትንና የሐዋርያት ሥራ መጽሐፍን ንባብን ትርጓሜ ይማራሉ።
• የሐዋርያው ጳውሎስ መልእክቶች

  በዚህ ትምህርት እግዚአብሔር በሐዋርያው ጳውሎስ በኩል ያጻፋቸውን መልእክቶች ንባብና ትርጓሜ ይማራሉ።
• ሌሎች የአዲስ ኪዳን መልእክቶችና የዮሐንስ ራዕይ ጥናት

  በዚህ ኮርስ ተማሪዎች የሐዋርያው ዮሐንስን ሦስት መልእክቶች፣ የሐዋርያው ጴጥሮስን ሁለት መልእክቶች፣ የያዕቆብና የይሁዳን መልእክቶችና የዮሐንስ ራዕይን ንባብና ትርጓሜ ይማራሉ።
• ትምህርተ ሥላሴ

  ይህንን ትምህርት የሚማሩ ተማሪዎች መጽሐፍ ቅዱስ ስለ እግዚአብሔር አሐዱ ሥሉስነት የሚያስተምረውን በየዘመኑ በክርስቲያን አባቶች የተደረጉ ጉባኤዎችን በመዳሰስና ከታሪክ ጋር በማጣቀስ ይማራሉ። የእግዚአብሔር አብ፣ እግዚአብሔር ወልድና፣ እግዚአብሔር መንፈስ ቅዱስን መለኮትነት፣ አንድነትና ልዩነት በጥልቀት ይገነዘባሉ።
• ሰውና ኃጢአት

  ይህ ኮርስ የሰውን ፍጥረት ምንነትና ማንነት እንዲሁም የኃጢአትን ባሕርይና ከእነዚህ ጋር ተያይዘው የሚነሱ ጉዳዮችን ያስተምራል።
• ትምህርተ ድነት

  ይህ ትምህርት የሰው ልጅ ከእግዚአብሔር ጋር የሚታረቅበትንና ከዘለዓለም ሞት የሚድንበትን መንገድ በተመለከተ የሚነሱ አሳቦችን እየቃኘ ተማሪዎች ስለሚያምኑት እምነት ግልጽ የሆነ አቋም እንዲኖራቸው ያስችላቸዋል። ስለ ዳግም መወለድ፣ የኃጢአት ሥርየት እንዲሁም ከዳኑ በኋላ ያፈገፈጉ ስለሚኖራቸው ዕጣ ፈንታ፣ የወንጌልን የምሥራች ሳይሰሙ ስለሞቱና ስለመዳን ለመስማት አካላዊ ብቃት ስለሌላቸው ሰዎች ጉዳይ ጠለቅ ያለ ውይይት ይደረጋል።
• ትምህርተ ክርስቶስ

  ይህ ትምህርት የሥላሴ ሁለተኛ አካል የሆነውን የእግዚአብሔር ወልድን ማንነትና ምንነት በጥልቀት ያስተምራል። ተማሪዎች ከቅድመ ፍጥረት ጀምሮ ከዳግም ምጽአት በኋላ ስላለው የክርስቶስ ኢየሱስ ማንነት ይማራሉ። ፍጹም አምላክነቱንና ፍጹም ሰውነቱን በተመለከተ የሚነሱ ጥያቄዎችን በማንሳት ተማሪዎች ይወያያሉ። በታሪክ ውስጥ መለኮታዊና ሰዋዊ ባሕርዩን በተመለከተ አባቶች ተነጋግረው ውሳኔ ያሳለፉባቸውን ጉባኤዎች በነቂስ ይመለከታሉ።